கோலமாவு கோகிலா மூலம் இயக்குநராக அறிமுகமானவர் நெல்சன். இந்த படத்திற்கு பிறகு, டாக்டர் என்ற ப்ளாக் பஸ்டர் படத்தை கொடுத்த இவர், விஜயை வைத்து பீஸ்ட் படத்தை இயக்கியிருந்தார்.
பெரும் எதிர்பார்ப்புக்கு மத்தியில் வெளியான அப்படம், போதிய வரவேற்பை பெறாமல், தோல்வி அடைந்தது. இதையடுத்து, ரஜினியை வைத்து ஜெயிலர் படத்தை அவர் இயக்கினார்.
ஆனால், அந்த திரைப்படம், யாரும் எதிர்பார்க்காத வகையில், இந்தியா முழுவதும் மிகப்பெரிய வரவேற்பை பெற்றது. இவ்வாறு பல்வேறு வெற்றி தோல்விகளை பார்த்த நெல்சன், அடுத்ததாக, ஜெயிலர் படத்தின் 2-ஆம் பாகத்தை இயக்க உள்ளாராம்.
இதற்கான பணிகள் நடந்து வருவதாகவும் கூறப்பட்டு வருகிறது. இந்நிலையில், இந்த படத்தில், இயக்குநர் நெல்சனின் சம்பளம் எவ்வளவு என்று தகவல் ஒன்று கசிந்துள்ளது.
அதன்படி, ஜெயிலர் 2-க்காக, ரூபாய் 60 கோடியை, நெல்சன் சம்பளமாக வாங்க உள்ளாராம்.
முந்தைய பாகத்தின் வெற்றியின் காரணமாக, இந்த சம்பளத்தை அவருக்கு கொடுக்க, தயாரிப்பு நிறுவனமும் ஒத்துக் கொண்டதாக தகவல் பரவி வருகிறது. ஆனால், இதுதொடர்பான எந்தவொரு அதிகாரப்பூர்வ அறிவிப்பும் வெளியாகவில்லை என்பது குறிப்பிடத்தக்கது.