முன்னணி நடிகராக இருந்த பிரசாந்த், தொடர் தோல்வி படங்களின் காரணமாக, சினிமாவில் இருந்து விலகி இருந்தார். தற்போது, விஜயுடன் தி கோட், தானே ஹீரோவாக நடிக்கும் அந்தகன் ஆகிய இரண்டு படங்களில் நடித்து முடித்துள்ளார்.
இதில், அந்தகன் திரைப்படம், வரும் 9-ஆம் தேதி அன்று, ரிலீஸ் ஆக உள்ளது. இந்த படத்திற்கான புரமோஷன் நிகழ்ச்சியில், பிரசாந்துக்கு வாழ்த்து தெரிவித்து, வீடியோ ஒன்றில் வெங்கட் பிரபு பேசியுள்ளார்.
இந்த வீடியோவில், “பிரசாந்த் மிகவும் ஜாலியான நபர். படப்பிடிப்பு தளத்தில் உள்ள அனைவரையும் மகிழ்ச்சியாக வைத்திருப்பார். தி கோட் படப்பிடிப்பில், பிரசாந்தால் தான், விஜய் நிறைய Bloopers கொடுத்திருந்தார்” என்று கூறியுள்ளார்.
பொதுவாக, வெங்கட் பிரபுவின் திரைப்படங்களில், படம் முடிந்த பிறகு, படப்பிடிப்பு தளங்களில் நடந்த Bloopers காட்சிகள் இடம்பெறுவது வழக்கம். அந்த வகையில், இந்த படத்தில் விஜயின் நிறைய Bloopers காட்சிகள் இடம்பெறும் என்று தற்போது தெரியவந்துள்ளது.