இந்திய வம்சாவளியை சேர்ந்த கமலா ஹாரிஸ் ஜனநாயக கட்சி சார்பிலும், அமெரிக்காவை பூர்வீகமாக கொண்ட டெனால்ட் டிரம்ப் குடியரசு கட்சி சார்பிலும், அமெரிக்க அதிபர் தேர்தலை எதிர்கொண்டனர்.
ஆரம்பத்தில் இருந்தே, இரண்டு தரப்பு வேட்பாளர்களும் அனல் பறக்க பிரச்சாரங்களை மேற்கொண்டு வந்தனர். நேற்று தேர்தல் முடிந்த நிலையில், இன்று வாக்குகள் எண்ணப்பட்டு வருகிறது.
இந்நிலையில், முன்னிலை விவரங்கள் குறித்தும், வெற்றி நிலவரம் குறித்தும், தகவல்கள் வெளியாகியுள்ளது. அதன்படி, 247 இடங்களில் டெனால்ட் டிரம்ப் வெற்றியை பெற்றுள்ளார்.
மேலும், 214 இடங்களில், கமலா ஹாரிஸ் வெற்றியை பெற்றுள்ளார். அதிபராக மாறுவதற்கு, 270 இடங்களை கைப்பற்ற வேண்டும் என்ற நிலையில், டெனால்ட் டிரம்ப் வெற்றியை நோக்கி பயணித்துக் கொண்டிருக்கிறார் என்பது குறிப்பிடத்தக்கது.