சிவா இயக்கத்தில், சூர்யா நடிப்பில் உருவாகியுள்ள கங்குவா திரைப்படம், வரும் நவம்பர் 14-ஆம் தேதி ரிலீஸ் ஆக உள்ளது. இந்த படத்தின் புரமோஷன் பணிகள் விறுவிறுப்பாக நடந்து வருகிறது.
இந்நிலையில், கங்குவா படத்தின் ஒளிப்பதிவாளர் வெற்றி, பேட்டி ஒன்றை அளித்துள்ளார். அந்த பேட்டியில், கங்குவா படம் குறித்து பல்வேறு விஷயங்களை பேசினார்.
பேட்டியின் நடுவே, விவேகம் படம் குறித்து பேசிய அவர், விவேகம் படத்தின் ரிலீஸ் தேதியை முன்கூட்டியே முடிவு செய்துவிட்டார்கள். அதனால், கிராபிக்ஸ் பணிகளை சரியாக செய்ய முடியவில்லை. இன்னும் இரண்டு மாதங்கள் இருந்திருந்தால், வீரம் வேதாளம் போலவே, விவேகமும், வெற்றிப் படமாக மாறியிருக்கும் என்று தெரிவித்தார்.
மேலும், படத்தின் Preview காட்சிகளை கூட பார்க்க நேரமில்லாமல் இருந்தது என்று கூறிய அவர், சில விஷயங்களை சரி செய்திருக்க முடியும்.ஆனால், அதற்கான சூழல் அமையவில்லை என்று கூறினார்.