அஸ்வத் மாரிமுத்து இயக்கத்தில், பிரதீப் ரங்கநாதன் நடிப்பில் உருவாகியுள்ள திரைப்படம் டிராகன். ஏ.ஜி.எஸ் நிறுவனம் தயாரித்துள்ள இப்படத்திற்கு, லியோன் ஜேம்ஸ் என்பவர் இசையமைத்துள்ளார்.
கடந்த வெள்ளிக் கிழமை அன்று ரிலீஸ் ஆன இந்த திரைப்படம், மிகப்பெரிய வரவேற்பை பெற்று வருகிறது. குறிப்பாக, இளைஞர்கள் மத்தியில், இப்படம் பெரும் ஆதரவை பெற்று வருகிறது. இந்நிலையில், இப்படத்தின் வசூல் நிலவரம் தற்போது தெரியவந்துள்ளது.
அதன்படி, உலகம் முழுவதும், 3 நாட்களில், 47 கோடி ரூபாயை, இப்படம் வசூலித்துள்ளதாம். முன்னணி நடிகர்களின் படங்களுக்கு இணையாக இப்படம் வசூல் செய்வதால், பிரதீப் ரங்கநாதனின் மார்கெட் மிகப்பெரிய அளவில் உயரும் என்று எதிர்பார்க்கப்படுகிறது.