ஆலங்குளம் அருகே, மின்சாரம் தாக்கி விவசாயி உயிரிழந்தது குறித்து, காவல்துறையினர் விசாரணை நடத்தி வருகின்றனர்.
தென்காசி மாவட்டம் ஆலங்குளம் அருகே உள்ள கல்லூத்து கிராமத்தை சேர்ந்தவர் தங்கராஜா. இவர், ராமசாமி என்பவரின் தோட்டத்தில் பணியாற்றி வந்தார்.
இந்நிலையில், மின்மோட்டாரை இன்று இயக்கும்போது, மின்சாரம் பாய்ந்து பரிதாபமாக உயிரிழந்தார். தகவல் அறிந்து சம்பவ இடத்திற்கு வந்த காவல்துறையினர், அவரது உடலை மீட்டு, பிரேத பரிசோதனைக்கு அனுப்பி வைத்தனர். இதையடுத்து, வழக்கு பதிவு செய்த காவல்துறையினர், தங்கராஜாவின் உயிரிழப்பு குறித்து விசாரணை நடத்தி வருகின்றனர்.