கடந்த மார்ச் மாதத்தில் இருந்து தங்கம் விலையானது தொடர்ச்சியாக உயர்ந்து வருகிறது. கிட்டதட்ட 50 ஆயிரம் ரூபாயில் இருந்த ஒரு சவரன் தங்கம் விலை, தற்போது 60 ஆயிரத்தை கடந்து, தொடர்ச்சியாக உயர்ந்து வருகிறது. இந்நிலையில், தங்கத்தின் இன்றைய விலை நிலவரம் குறித்து தெரியவந்துள்ளது.
அதன்படி, நேற்று 7 ஆயிரத்து 810 ரூபாய்க்கு விற்பனை செய்யப்பட்ட ஒரு கிராம் தங்கம், இன்று 95 ரூபாய் அதிகரித்து, 7 ஆயிரத்து 905 ரூபாய்க்கு விற்பனை செய்யப்படுகிறது. மேலும், நேற்று 62 ஆயிரத்து 480 ரூபாய்க்கு விற்பனை செய்யப்பட்ட ஒரு சவரன் தங்கம், இன்று 760 ரூபாய் உயர்ந்து, 63 ஆயிரத்து 240 ரூபாய்க்கு விற்பனை செய்யப்படுகிறது.
22 கேரட் தங்கத்தின் அடிப்படையில், இந்த விலை நிர்ணயம் செய்யப்பட்டுள்ளது. வரலாறு காணாத வகையில் தங்கம் விலை உயர்ந்திருப்பது, நடுத்தர வர்க்க மக்களுக்கு பெரும் அதிர்ச்சியை ஏற்படுத்தியுள்ளது.