தங்கத்தின் விலை என்பது கடந்த சில நாட்களாக, கடுமையாக உயர்ந்து வருகிறது. இந்த வருட இறுதிக்குள், ஒரு சவரன் தங்கம் விலை, 1 லட்சம் ரூபாயை தாண்டும் என்றும் எதிர்பார்க்கப்படுகிறது.
இந்நிலையில், தங்கத்தின் இன்றைய விலை நிலவரம் குறித்து தெரியவந்துள்ளது. அதன்படி, நேற்று 9 ஆயிரத்து 15 ரூபாய்க்கு விற்பனை செய்யப்பட்ட ஒரு கிராம் தங்கம், இன்று 275 ரூபாய் அதிகரித்து 9 ஆயிரத்து 290 ரூபாய்க்கு விற்பனை செய்யப்படுகிறது.
இதேபோல், நேற்று 72 ஆயிரத்து 120 ரூபாய்க்கு விற்பனை செய்யப்பட்ட ஒரு சவரன் தங்கம், இன்று 2 ஆயிரத்து 200 ரூபாய் அதிகரித்து, 74 ஆயிரத்து 320 ரூபாய்க்கு விற்பனை செய்யப்படுகிறது.
22 கேரட் தங்கத்தின் அடிப்படையில், இந்த விலை நிர்ணயம் செய்யப்படுகிறது. வெள்ளியின் விலையை பொறுத்தவரை, எந்தவொரு மாற்றமும் இன்றி, ஒரு கிராம் 111 ரூபாய்க்கும், ஒரு கிலோ 1 லட்சத்து 11 ஆயிரம் ரூபாய்க்கும் விற்பனை செய்யப்படுகிறது.