2023-ஆம் ஆண்டின் தொடக்கத்தில் தான், அஜித்தின் துணிவு திரைப்படம் வெளியானது. இந்த திரைப்படம் வெளியாகி, கிட்டதட்ட 2 வருடங்கள் ஆகிவிட்டது. இருப்பினும், அஜித்தின் வேறு எந்த திரைப்படமும் ரிலீஸ் ஆகவில்லை.
இதனால், அவரது ரசிகர்கள் அதிருப்தியில் இருந்து வருகின்றனர். இந்நிலையில், அவர் நடித்து வரும் இரண்டு படங்களில், ஒன்றின் ரிலீஸ் தேதி தொடர்பான தகவல் கிடைத்துள்ளது.
அதாவது, அஜித் தற்போது விடாமுயற்சி, குட் பேட் அக்லி ஆகிய இரண்டு படங்களில் நடித்து வருகிறார். இதில், குட் பேட் அக்லி படத்தின் ரிலீஸ் தேதி தொடர்பான தகவல் கிடைத்துள்ளது.
அதன்படி, வரும் மே 1-ஆம் தேதி அன்று, அஜித்தின் பிறந்த நாளையொட்டி, குட் பேட் அக்லி படத்தை ரிலீஸ் செய்ய படக்குழுவினர் முடிவு செய்துள்ளார்களாம்.