தளபதி 69 படத்திற்கு பிறகு, சினிமாவில் நடிக்க மாட்டேன் என்று, நடிகர் விஜய் கூறியிருந்தார். இதனால், இவரது இடத்தை நடிகர் சிவகார்த்திகேயன் நிரப்புவார் என்று எதிர்பார்க்கப்படுகிறது.
எனவே, தனது ஒவ்வொரு படத்தையும், மிகவும் அறிவார்ந்த முறையில், அவர் தேர்வு செய்து வருகிறார். மேலும், ஏ.ஆர்.முருகதாஸ், சுதா கொங்காரா போன்ற முன்னணி இயக்குநர்களையும், சில திறமையான இளம் இயக்குநர்களையும், சிவகார்த்திகேயன் தேர்வு செய்து வருகிறார்.
இந்நிலையில், இவரது அடுத்த பட இயக்குநர் குறித்து தகவல் கசிந்துள்ளது. அதாவது, தன்னிடம் உள்ள படங்கள் அனைத்தையும் முடித்துவிட்டு, எச்.வினோத் கூட்டணியில் உருவாகும் படத்தில், சிவகார்த்திகேயன் நடிக்க உள்ளாராம். இந்த தகவல், அவரது ரசிகர்களுக்கு உற்சாகத்தை அளித்துள்ளது.