பாஜகவுடன் கூட்டணி இல்லை என அதிமுக கூறியிருப்பதை, வரவேற்கிறோம் என்று தமுமுகவின் தலைவர் ஜவாஹிருல்லா தெரிவித்துள்ளார்.
சென்னை பல்லாவரம் அடுத்த பம்மல் பகுதியில், தமுமுக சார்பில், இலவச ஆம்புலன்ஸ்-கள் அர்ப்பணிக்கும் விழா நடைபெற்றது. இந்த நிகழ்ச்சியில், தலைவர் ஜவாஹிருல்லா கலந்துக் கொண்டு, இலவச ஆம்புலன்ஸ் சேவையை தொடங்கி வைத்தார்.
இதனைத் தொடர்ந்து செய்தியாளர்களை சந்தித்த அவர், பாபர் மசூதி இடிக்கப்பட்டதை கண்டித்து, வரும் டிசம்பர் 6-ஆம் தேதி அன்று, 10 இடங்களில் போராட்டம் நடத்த இருப்பதாக தெரிவித்தார்.
மேலும், பாஜகவுடன் கூட்டணி இல்லை என, அதிமுக பொதுச் செயலாளர் எடப்பாடி பழனிசாமி கூறுவதை, வரவேற்பதாகவும் அவர் கூறினார்.
தொடர்ந்து பேசிய ஜவாஹிருல்லா, காலியாக உள்ள மருத்துவர் பணியிடங்களை, தமிழக அரசு நிரப்ப வேண்டும் என்றும், கோரிக்கை விடுத்தார்.