பழைய வண்ணாரப்பேட்டை, திரௌபதி, ருத்ர தாண்டவம், பகாசூரன் ஆகிய படங்களை இயக்கியவர் மோகன் ஜி. இவர் தற்போது நடிகர் ரிச்சர்டு ரிஷியை வைத்து புதிய படம் ஒன்றை தொடங்க உள்ளார்.
இந்நிலையில், இயக்குநர் மோகன் ஜி இன்று செய்தியாளர்களை சந்தித்தார். அப்போது பேசிய அவரிடம், நடிகர் விஜய் அரசியலுக்கு வருவது குறித்து கேள்வி கேட்கப்பட்டது.
அதற்கு பதில் அளித்த மோகன் ஜி, “தமிழ்நாட்டில் இளைஞர்களுக்கு பிடித்த ஒரு தலைவர் அரசியலுக்கு வருவது நல்ல விஷயம் தான். ஆனால், விஜயும் தவறான ரூட்டில் செல்கிறார் என்பதால், வருத்தமாக உள்ளது” என்று தெரிவித்தார்.
அதாவது, “விநாயகர் சதுர்த்திக்கு வாழ்த்து சொல்லாமல், ஓணம் பண்டிகைக்கு மட்டும் வாழ்த்து சொன்னது வருத்தமாக இருக்கு” என்று இயக்குநர் மோகன் ஜி பேட்டியில் கூறியுள்ளார்.