சினிமாவின் மூலம் அரசியல் பேசும் ஒருசில இயக்குநர்களில் ஒருவர் பா.ரஞ்சித். இவர் தற்போது நடிகர் விக்ரமை வைத்து, தங்கலான் என்ற பிரம்மாண்ட திரைப்படத்தை இயக்கி முடித்துள்ளாா.
இப்படம், வரும் ஆகஸ்டு 15-ஆம் தேதி அன்று, திரையரங்குகளில் ரிலீஸ் ஆக உள்ளது. இந்நிலையில், இப்படத்தின் புரமோஷனுக்காக பிரபல ஊடகம் ஒன்றிற்கு, அவர் பேட்டி அளித்துள்ளார்.
அந்த பேட்டியில், தங்கலான் படத்தின் 2-ஆம் பாகம் உருவாக வாய்ப்பு கிடைத்தால், 2-ஆம் உலகப்போரை மையமாக வைத்து இயக்குவேன் என்று கூறியுள்ளார்.
மேலும், தனது நட்சத்திரம் நகர்கிறது படத்தின் இரண்டாம் பாகத்தையும் இயக்குவதற்கு ஆசை உள்ளது. விரைவில் அது நடக்கலாம் என்றும் அவர் கூறியுள்ளார்.
இதில், தங்கலான் 2-ஆம் பாகம் உருவாக வாய்ப்பு உள்ளது என்று பா.ரஞ்சித் கூறியுள்ளதால், விக்ரம் ரசிகர்கள் உற்சாகம் அடைந்துள்ளனர்.