இந்தியன் 2 ரிலீஸ் அப்டேட்! போஸ்டருடன் வெளியிட்ட படக்குழு!

ஷங்கர் இயக்கத்தில், கமல் ஹாசன் நடிப்பில் 1996-ஆம் ஆண்டு வெளியான திரைப்படம் இந்தியன். பெரும் வெற்றியை பெற்ற இந்த திரைப்படம், தற்போது 2-வது பாகமாக எடுக்கப்பட்டு வருகிறது.

இந்த பாகத்தை, லைக்கா நிறுவனம் தயாரித்த நிலையில், அனிருத் இசையமைத்துள்ளார்.

பல்வேறு இளம் டெக்னீஷியன்களை கொண்டு, இப்படத்தை இயக்கி வரும் ஷங்கர், பல்வேறு பிரச்சனைகளுக்கு பிறகு, ஒருவழியாக எடுத்து முடித்துள்ளார். இந்நிலையில், இந்தியன் 2-ஆம் பாகத்தின் புதிய போஸ்டரை படக்குழு இன்று வெளியிட்டுள்ளது.

மேலும், அந்த போஸ்டரில், இப்படம் வரும் ஜூன் மாதம் வெளியாகும் என்றும் குறிப்பிடப்பட்டுள்ளது. இப்போஸ்டர் வெளியானதைத் தொடர்ந்து, Indian2 என்ற ஹேஷ்டேக் எக்ஸ் தளத்தில் டிரெண்டாகி வருகிறது.