ஷங்கர் இயக்கத்தில், கமல் நடிப்பில் 1996-ஆம் ஆண்டு ரிலீஸ் ஆன திரைப்படம் இந்தியன். இந்த திரைப்படத்தின் இரண்டாம் பாகத்தை, இதே கூட்டணி, அன்மையில் உருவாக்கியிருந்தது.
மிகப்பெரும் எதிர்பார்ப்புக்கு மத்தியில் ரிலீஸ் ஆன இந்த திரைப்படம், மிகப்பெரிய தோல்வியை சந்தித்தது. இதனால், தயாரிப்பு தரப்புக்கு நஷ்டம் ஏற்பட்டதாகவும் சொல்லப்பட்டது.
இந்நிலையில், இந்த திரைப்படத்தின் 3-ஆம் பாகம் தொடர்பான முக்கிய தகவல் ஒன்று இணையத்தில் கசிந்துள்ளது.
அதன்படி, இந்தியன் 3 திரைப்படம், நேரடியாக ஓடிடி தளத்தில் ரிலீஸ் ஆக அதிக வாய்ப்புகள் உள்ளதாம். 2-ஆம் பாகத்தின் தோல்வியின் காரணமாக, இந்த முடிவை எடுத்திருக்கலாம் என்றும் கிசுகிசுக்கப்படுகிறது.