சொந்த வீட்டை வாங்குவது என்பது பலருக்கும் கனவாக இருக்கிறது. வாழ்க்கை முழுவதும் கஷ்டப்பட்டு தான், ஒரு வீட்டையாவது சிலர் வாங்க முடிகிறது. ஆனால், கோடீஸ்வரர்கள் சில கோடிகளை அள்ளி வீசி, தீவுகளை வாங்கும் சம்பவங்களும் நடந்துக் கொண்டு தான் இருக்கின்றன.
இந்நிலையில், மத்திய அமெரிக்காவில் உள்ள நிகராகுவா என்ற பகுதியில், தீவு ஒன்று ரூபாய் 3.7 கோடிக்கு, விற்பனைக்கு வந்துள்ளது. தீவுகளை விற்பனை செய்யும் நிறுவனம் ஒன்று, இந்த தீவு விற்பனைக்கு வந்துள்ளதை, தனது வலைதளத்தில் பதிவிட்டுள்ளது.
இந்த தீவில், 3 படுக்கை அறைகளும், 2 குளியல் அறைகளும் கொண்ட அழகிய வீடும் இருப்பதாக குறிப்பிட்ட அந்த நிறுவனம், தீவு முழுவதும், வாழை மரங்களும், தென்னை மரங்களும் சூழ்ந்திருப்பதாக தெரிவித்துள்ளது. ஏழை மக்கள் வாடகை வீட்டில் தங்குவதற்கே கஷ்டப்பட்டு வரும் வேளையில், ஒரு தீவே விற்பனையாகி வருவது, ஒரு தரப்பிடம் மட்டுமே செல்வம் சேர்வதை எடுத்துக் காட்டுகிறது.