இந்தியாவின் விண்வெளி ஆராய்ச்சி நிறுவனமாக இஸ்ரோ செயல்பட்டு வருகிறது. இந்த நிறுவனம், இதுவரை 99 ராக்கெட்டுக்களை விண்ணில் வெற்றிகரமாக ஏவியுள்ளது.
இந்நிலையில், இன்று தனது 100-வது ராக்கெட்டை விண்ணில் ஏவி, சாதனை படைத்துள்ளது. அதாவது, ஜிஎஸ்எல்வி-எப்15 ராக்கெட்டை இஸ்ரோ விண்ணில் செலுத்தியுள்ளது. இந்த ராக்கெட் மூலம் என்.வி.எஸ்-02 என்ற செயற்கைக்கோள் ஏவப்பட்டுள்ளது.
இந்த செயற்கைக்கோள் இன்று காலை 6.23 மணிக்கு ஸ்ரீஹரிகோட்டாவில் உள்ள இஸ்ரோ மையத்தில் இருந்து ஏவப்பட்டது. என்.வி.எஸ்-02 செயற்கைக்கோள் தரை,கடல், வான்வெளி போக்குவரத்தை கண்காணித்து, பேரிடர் காலங்களில் துல்லியமான தகவலை தெரிவிக்கும் என இஸ்ரோ தெரிவித்துள்ளது.