சன் பிக்சர்ஸ் தயாரிப்பில், நெல்சன் இயக்கத்தில், ரஜினி நடிப்பில் உருவான திரைப்படம் ஜெயிலர். இந்த திரைப்படம் மிகப்பெரிய வெற்றியை பெற்ற நிலையில், இதன் இரண்டாம் பாகம் உருவாக இருப்பதாக, சில நாட்களாக தகவல் ஒன்று பரவி வருகிறது. இவ்வாறு இருக்க, சன் பிக்சர்ஸ் நிறுவனம், புதிய அறிவிப்பு ஒன்றை வெளியிட்டு இருந்தது.
அதன்படி, இன்று மாலை 6 மணிக்கு, புதிய படத்தின் முக்கியமான டீசர் வெளியாக இருப்பதாக, அறிவித்திருந்தது. இது ஜெயிலர் 2 படத்தின் டைட்டில் டீசராக இருக்கும் என்று பலரும் எதிர்பார்ப்பில் இருந்தனர்.
இந்நிலையில், தற்போது அந்த டீசரை தயாரிப்பு நிறுவனம் வெளியிட்டுள்ளது. பலரும் ஏற்கனவே எதிர்பார்த்தது போல, அது ஜெயிலர் 2 படத்தின் டைட்டில் டீசர் தான். இந்த டீசர், ரசிகர்கள் மத்தியில் நல்ல வரவேற்பை பெற்று வருகிறது.