இயக்குநர் ஆக வேண்டும் என்ற ஆசை கொண்ட ஜேசன் சஞ்சய், லைக்கா நிறுவனத்தினடம் கதை ஒன்றை கூறியிருந்தார்.
இவர் கூறிய கதை, அந்நிறுவனத்திற்கும் பிடித்துவிட்டதால், ஒப்பந்தமும் கையெழுத்தானது. இருந்த போதிலும், அப்படத்திற்கான படப்பிடிப்பு, தொடங்காமலே இருந்தது.
இதனால், இந்த புராஜெக்ட் டிராப் ஆகிவிட்டது என்று இணையத்தில் பரபரப்பாக பேசப்பட்டு வந்தது. ஆனால், அந்த வதந்திகளுக்கு முற்றுப்புள்ளி வைக்கும் வகையில், புதிய தகவல் ஒன்று கிடைத்துள்ளது.
அதாவது, இப்படத்திற்கான திரைக்கதை எழுதும் பணியில் இருந்த சஞ்சய், தற்போது முடித்துவிட்டாராம். மேலும், படத்தில் நடிக்க உள்ள நடிகர்களையும் அவர் தேர்வு செய்துவிட்டாராம்.
இன்னும் சில வாரங்களில், படப்பிடிப்பு தொடங்கப்படும் என்றும், இதுதொடர்பான அதிகாரப்பூர்வ அறிவிப்பு விரைவில் வெளியாகும் என்றும், செய்திகள் வெளிவந்துள்ளது.