Connect with us

Raj News Tamil

ஜெட் ஏர்வேஸ் நிறுவனரின் மனைவி அனிதா கோயல் காலமானார்!

இந்தியா

ஜெட் ஏர்வேஸ் நிறுவனரின் மனைவி அனிதா கோயல் காலமானார்!

ஜெட் ஏர்வேஸ் நிறுவனத்தின் நிறுவனர் தான் நரேஷ் கோயல். இவர், பணச் சலவை செய்யப்பட்ட குற்றச்சாட்டிலும், கனரா வங்கியிடம் இருந்து பெறப்பட்ட ரூ.538.62 கோடி கடனை மோசடி செய்த வழக்கிலும், அமலாக்கத்துறையால், கடந்த 2023-ஆம் ஆண்டு, செப்டம்பர் மாதம் கைது செய்யப்பட்டிருந்தார்.

இவரது மனைவி அனிதா கோயல் கடந்த நவம்பர் மாதம் கைது செய்யப்பட்டிருந்தார். ஆனால், இவரது வயது மற்றும் மருத்துவ நிலையை ( புற்றுநோய் இருப்பதால் ) கணக்கில் கொண்டு, கைது செய்யப்பட்ட அதே நாளில், நீதிமன்றம் ஜாமீன் வழங்கியிருந்தது.

இந்நிலையில், மும்பையில் உள்ள தனியார் மருத்துவமனையில், புற்றுநோயால் பாதிக்கப்பட்டிருந்த அனிதா கோயல், சிகிச்சை பெற்று வந்தார்.

இன்று சிகிச்சை பலன் இன்றி, அதிகாலை 3 மணிக்கு காலமானார். புற்றுநோய்க்கு எதிராக பல நாட்களாக போராடி வந்த நிலையில், இன்று அவர் இயற்கை எய்தினார்.

அவரது இறுதி சடங்கு, இன்று நடத்தப்படலாம் என்றும் எதிர்பார்க்கப்படுகிறது. ஜெட் ஏர்வேஸ் நிறுவனர் நரேஷ் கோயலும், புற்றுநோயால் பாதிக்கப்பட்டவர் என்பது குறிப்பிடத்தக்கது.

Continue Reading
Advertisement
You may also like...

More in இந்தியா

To Top