நாயகன் என்ற படத்தின் மூலம், நடிகர் கமலும், மணிரத்னமும் முதன்முறையாக இணைந்து பணியாற்றினர். இந்த படத்திற்கு பிறகு, நீண்ட நாட்கள் இணைந்து பணியாற்றாத இவர்கள், தக் லைஃப் என்ற படத்தில் கூட்டணி சேர்ந்தனர்.
சிம்பு, த்ரிஷா, அசோக் செல்வன் என்று மிகப்பெரிய ரசிகர் பட்டாளமே இணைந்து நடித்துள்ள இப்படம், விரைவில் ரிலீஸ் ஆக உள்ளது, இந்நிலையில், இப்படத்தை நடிகர் கமல் ஹாசன் சமீபத்தில் பார்த்திருப்பதாக கூறப்படுகிறது.
இந்த படத்தை பார்த்த கமல், படம் அருமையாக உள்ளது என்று கூறியுள்ளாராம். இதனால், மீண்டும் இன்னொரு திரைப்படத்தில் பணியாற்றலாம் என்று கமல் மணிரத்னத்திடம் கூறியதாகவும் கூறப்படுகிறது.
இத்தகைய சரித்திர கூட்டணி, மீண்டும் மீண்டும் இணைவது, சினிமா ரசிகர்கள் மத்தியில் பெரும் உற்சாகத்தை ஏற்படுத்தியுள்ளது.