கார்த்திக், நரேன் உள்ளிட்டோர் நடிப்பில், லோகேஷ் கனகராஜ் இயக்கத்தில் உருவான திரைப்படம் கைதி. ட்ரீம் வாரியர்ஸ் நிறுவனம் தயாரித்த இந்த திரைப்படம், மிகப்பெரிய வெற்றியை பெற்றிருந்தது. இந்நிலையில், இந்த திரைப்படத்தின் இரண்டாம் பாகத்தில், பிரபல முன்னணி நடிகர் ஒருவர் இணைய இருப்பதாக, தகவல் வெளியாகியுள்ளது.
அதாவது, கூலி படத்திற்கு பிறகு, கைதி 2-ஆம் பாகத்தை இயக்குவதற்கு, லோகேஷ் கனகராஜ் முடிவு செய்துள்ளார். இந்த திரைப்படத்தின் சில பணிகளையும், அவ்வப்போது அவர் செய்து வருகிறாராம்.
அந்த வகையில், கைதி 2 படத்தில் நடிப்பதற்கு, நடிகர் கமலிடம் லோகேஷ் கேட்டுள்ளாராம். இதற்கு, எந்தவித மறுப்பும் தெரிவிக்காத கமல், உடனே ஒத்துக் கொண்டுள்ளாராம். இந்த தகவல், ரசிகர்களுக்கு பெரும் உற்சாகத்தை ஏற்படுத்தியுள்ளது.