கர்நாடகா இடைத்தேர்தல்: காங்கிரஸ் அமோக வெற்றி

கர்நாடகாவில் 3 சட்டப்பேரவை தொகுதிகளுக்கு நடைபெற்ற இடைதேர்தலில் 3 இடங்களிலும் காங்கிரஸ் வெற்றி பெற்றது.

கர்நாடகாவில் 3 தொகுதிகளுக்கு நடத்தப்பட்ட இடைத்தேர்தலுக்கான வாக்கு எண்ணிக்கை இன்று எண்ணப்பட்டு வருகிறது. இதில் 3 தொகுதிகளிலும் காங்கிரஸ் அமோக வெற்றி பெற்றுள்ளது.

சன்னபட்னா தொகுதியில் காங்கிரஸ் வேட்பாளர் சி.பி. யோகேஷ்வர் தன்னை எதிர்த்து போட்டியிட்ட மத்திய அமைச்சர் குமாரசாமியின் மகனை தோற்கடித்தார்.

சந்தூர் தொகுதியில் காங்கிரஸ் எம்பி துக்காராம் மனைவி இ.அன்னபூர்ணா பாஜகவின் பங்காரா ஹனுமந்தாவை தோற்கடித்துள்ளார்.

அதேபோல, ஷிக்கான் தொகுதியில் காங்கிரஸ் வேட்பாளர் யாசிர் அகமது கான் தன்னை எதிர்த்து போட்டியிட்ட பாஜக எம்பி பசவராஜ் பொம்மையின் மகனை தோற்கடித்தார்.