சூரி, விஜய்சேதுபதி ஆகியோர் நடிப்பில், வெற்றிமாறன் இயக்கத்தில், சமீபத்தில் வெளியான திரைப்படம் விடுதலை.
பெரும் வெற்றியை பெற்ற இந்த திரைப்படம், சமூகம் ரீதியாக பல்வேறு உரையாடல்களையும் நிகழ்த்தியிருந்தது. இந்நிலையில், இந்த படத்தின் 2-ஆம் பாகத்தை உருவாக்கும் பணியில், வெற்றிமாறன் மும்மரமாக ஈடுபட்டு வருகிறார்.
2-ஆம் பாகத்திற்காக எடுக்க வேண்டிய சில காட்சிகளையும் படமாக்கி வருகிறார். இதற்கிடையே, இந்த படம் தொடர்பான முக்கிய தகவல் ஒன்று கிடைத்துள்ளது.
அந்த தகவலின் படி, விடுதலை 2-ஆம் பாகத்தில், விஜய்சேதுபதிக்கு ஜோடியாக நடிகை மஞ்சு வாரியர் நடிக்க உள்ளாராம்.
இதனால், இந்த படத்தின் மீதான எதிர்பார்ப்பு இன்னும் அதிகரித்துள்ளது. வெற்றிமாறன் இயக்கத்தில் உருவான அசுரன் படத்தில், ஏற்கனவே மஞ்சு வாரியர் நடித்திருந்தார் என்பது குறிப்பிடத்தக்கது.