ஜம்மு-காஷ்மீரின் ரஜோரி, பூஞ்ச் மாவட்ட எல்லைப்பகுதியில் தீவிரவாதிகள் நடமாட்டம் இருப்பதாக பாதுகாப்பு படையினருக்கு தகவல் கிடைத்தது.இதனால், தேடுதல் வேட்டை நடத்துவதற்காக எல்லை பாதுகாப்பு படையினர் இரு ராணுவ வாகனங்களில் சென்று கொண்டிருந்தனர்.
இந்த வாகனங்கள் சவுரான் கோட் என்ற பகுதி வழியாக ராஜோரி மாவட்டம் பூபியாஸ் என்ற பகுதிக்கு சென்ற போது அங்கே மறைந்திருந்த தீவிரவாதிகள் ராணுவ வாகனங்கள் மீது திடீர் தாக்குதல் நடத்தினர். இதனைத் தொடர்ந்து ராணுவ வீரர்களும் எதிர் தாக்குதல் நடத்தினர்.
தீவிரவாதிகள் வாகனங்கள் மீது நடத்திய தாக்குதலில் படுகாயமடைந்த 3 ராணுவ வீரர்கள் உயிரிழந்தனர். இதனைத் தொடர்ந்து அங்கு இரு தரப்பிலும் துப்பாக்கி சண்டை நடைபெற்று வருவதாகவும், தீவிரவாதிகள் தேடுதல் வேட்டை தீவிரப்படுத்தப்பட்டு உள்ளதாகவும் தகவல்கள் வெளியாகியுள்ளன.