அடுத்த படத்திற்கு தயார் ஆன மோகன் ஜி!

பழைய வண்ணாரப்பேட்டை படத்தின் மூலம் இயக்குநராக அறிமுகமானவர் மோகன் ஜி. இந்த படத்திற்கு பிறகு, திரௌபதி, ருத்ர தாண்டவம், பகாசூரன் ஆகிய திரைப்படங்களை இயக்கியுள்ளார்.

இந்நிலையில், இவரது அடுத்த படத்திற்கான அப்டேட் ஒன்று கிடைத்துள்ளது. அதன்படி, நேற்று இவரது அடுத்த படத்திற்கான பூஜை போடப்பட்டுள்ளது. மேலும், இவரது இந்த படத்திலும், நடிகர் ரிச்சர்ட் ரிஷி தான் ஹீரோவாக நடிக்க உள்ளார்.

பொதுவாக சர்ச்சையான கருத்துக்களை தனது திரைப்படங்களில் பேசி பிரச்சனையில் சிக்கும் மோகன் ஜி, இந்த முறை எந்த களத்தை கையில் எடுக்கப் போகிறார் என்ற கேள்வி சமூக வலைதளங்களில் எழுந்துள்ளது என்பது குறிப்பிடத்தக்கது.