தனுஷ் நடிப்பில், மாரி செல்வராஜ் இயக்கத்தில் உருவான கர்ணன் திரைப்படம், மிகப்பெரிய வெற்றி பெற்றது. இந்த திரைப்படத்திற்கு பிறகு, இருவரும் மீண்டும் இணைவார்கள் என்று, அவ்வப்போது தகவல்கள் கசிந்து வந்தன.
ஆனால், அதில் இருக்கும் மிகப்பெரிய சவால் குறித்து, இயக்குநர் மாரி செல்வராஜ் தற்போது பேசியுள்ளார்.
அதாவது, “இருவரும் இணைந்து அடுத்து பணியாற்ற இருப்பது ஒரு வரலாற்று திரைப்படம். அது என்னுடைய கனவு படம். அதை தொடங்கினால், முடிப்பதற்கு குறைந்தது ஒன்றரை வருடமாவது ஆகும்.
எனவே, இரண்டு வருடங்கள் கழித்து தான் ரிலீஸ் செய்ய முடியும். இத்தகைய சிக்கல் இருப்பதால் தான், அந்த திரைப்படத்தை தொடங்க முடியாமல், தள்ளிப்போய் கொண்டே உள்ளது” என்று அவர் கூறினார்.