தமிழ் சினிமாவின் முன்னணி இயக்குநர்களில் ஒருவர் பா.ரஞ்சித். திரைப்படங்கள் இயக்குவது மட்டுமின்றி, அதனை தயாரிப்பதிலும் அதிக ஆர்வம் காட்டி வரும் இவர், இந்த வருடம், ப்ளு ஸ்டார், ஜெ.பேபி ஆகிய இரண்டு படங்களை தயாரித்திருந்தார்.
இந்நிலையில், இவர் தயாரித்துள்ள இன்னொரு திரைப்படம் குறித்து தகவல் வெளியாகியுள்ளது. அதாவது, குரு சோமசுந்தரம் நடிப்பில், தினகரன் சிவலிங்கம் என்பவர் இயக்கத்தில் உருவாகியுள்ள திரைப்படம் பாட்டல் ராதா.
மதுவுக்கு அடிமையானவரின் வாழ்க்கையை மையமாக வைத்து உருவாகியுள்ள இந்த திரைப்படம், வரும் டிசம்பர் 20-ஆம் தேதி ரிலீஸ் ஆக உள்ளது. இதுதொடர்பான அறிவிப்பை, படக்குழுவினர் தற்போது வெளியிட்டுள்ளனர்.