திருத்தணி அருகே, கல்லூரி மாணவரை தாக்கிவிட்டு, நகையை பறித்து சென்ற இளைஞரை, காவல்துறையினர் கைது செய்தனர்.
திருவள்ளூர் மாவட்டத்தை சேர்ந்த தீபன் என்ற இளைஞர், திருத்தணியில் உள்ள பொறியியல் கல்லூரியில் படித்து வருகிறார். இவர், கல்லூரியில் இருந்து வீட்டிற்கு செல்வதற்காக, பேருந்துக்கு காத்துக் கொண்டு இருந்தார்.
அப்போது வந்த இளைஞர்கள், தீபனை சரமாரியாக தாக்கிவிட்டு, அவர் அணிந்திருந்த 2 சவரன் தங்க சங்கிலியை பறித்து சென்றுள்ளனர். இதுகுறித்து வழக்கு பதிவு செய்த காவல்துறையினர், விசாரணை நடத்தி வந்தனர்.
இந்த விசாரணையில், முன்விரோதம் காரணமாக, இளைஞரை தாக்கிவிட்டு, நகையை பறித்து சென்றது தெரியவந்தது. இதையடுத்து, வழக்கில் தொடர்புடைய சிவலிங்கம் என்பவரை கைது செய்த காவல்துறையினர், மற்ற 4 பேரை தேடி வருகின்றனர்.