“காஞ்சனா 2-வில் ரஜினி” – சுவாரசிய தகவல் சொன்ன லாரன்ஸ்!

கார்த்திக் சுப்புராஜ் இயக்கத்தில், ராகவா லாரன்ஸ், எஸ்.ஜே.சூர்யா ஆகியோர் நடிப்பில், உருவாகி உள்ள திரைப்படம் ஜிகர்தண்டா 2. இந்த திரைப்படம், வரும் 10-ஆம் தேதி அன்று, திரையரங்குகளில் வெளியாக உள்ளது.

இந்நிலையில், இப்படத்தின் புரமோஷன் நிகழ்ச்சி சமீபத்தில் நடைபெற்றது. இதில், கலந்துக் கொண்ட ராகவா லாரன்ஸ், பல்வேறு கருத்துக்களை பகிர்ந்திருந்தார்.

அப்போது, ரஜினி தொடர்பான சுவாரசிய தகவல் ஒன்றையும் கூறினார். அதாவது, காஞ்சனா 2 திரைப்படத்தில், ரஜினியை தான் நடிக்க வைக்கலாம் என்று ராகவா லாரன்ஸ் முடிவு செய்திருந்தாராம்.

ஆனால், தாயின் இடுப்பில் உட்காருவது போன்ற காட்சியில், ரஜினி நடித்தால், சரியாக இருக்காது என்பதால், அந்த முடிவை கைவிட்டுவிட்டேன் என்று லாரன்ஸ் கூறியுள்ளார்.