நடிகர், இயக்குநர், பாடகர், பாடலாசிரியர் என்று பன்முகத்தன்மை கொண்ட கமல், ராஜ்கமல் பிலிம்ஸ் இன்டர்நேஷனல் என்ற நிறுவனத்தின் மூலம், பல்வேறு படங்களை தயாரித்து வருகிறார்.
அந்த வகையில், தற்போது நடிகர் சிவகார்த்திகேயனின் அமரன் என்ற படத்தையும் அவர் தயாரித்திருக்கிறார். இந்த திரைப்படத்தின் டீசர் வெளியானதோடு, வேறு எந்தவொரு அப்டேட்டும் படக்குழு தரப்பில் இருந்து வெளியாகவே இல்லை.
இதனால், படத்தின் மீதான எதிர்பார்ப்பு ரசிகர்கள் மத்தியில் குறைவாக இருந்தது. இந்நிலையில், ராஜ்கமல் நிறுவனம், தங்களது எக்ஸ் பக்கத்தில் பதிவு ஒன்றை வெளியிட்டுள்ளது.
அந்த பதிவில், This Wednesday என்ற ஹேஷ்டேக்கை குறிப்பிட்டுள்ளது. இதனை பார்த்த சிவகார்த்திகேயன் ரசிகர்கள், வரும் புதன்கிழமை அன்று, அமரன் படத்தின் முக்கியமான அப்டேட் வர இருப்பதாக கூறி வருகின்றனர். மேலும், சிவகார்த்திகேயன் என்ற ஹேஷ்டேக்கையும், அமரன் என்ற ஹேஷ்டேக்கையும் அவர்கள் வைரலாக்கி வருகின்றனர்.