”அஜித்குமார்” கூட சூப்பர்ஸ்டார் தான்…பல்டியடித்த ”சரத்குமார்”..!

கோலிவுட்டின் முன்னணி ஹீரோவாக வலம் வருபவர் அஜித்குமார். இவரது நடிப்பில் உருவாகிவரும் துணிவு திரைப்படம், வரும் 11-ஆம் தேதி அன்று வெளியாகவுள்ளது. அதே நாளில் விஜய்யின் வாரிசு படமும் வெளியாகவுள்ளதாக கூறப்பட்டுள்ளது.

மேலும் இப்படத்தின் இசைவெளியீட்டு விழா, சென்னை நேரு ஸ்டேடியத்தில் நடைபெற்று அனைவரின் எதிர்பார்ப்பையும் அதிகரித்தது. இந்த நிகழ்ச்சியில் கலந்து கொண்டு பேசிய நடிகர் சரத்குமார், விஜய் தான் அடுத்த சூப்பர் ஸ்டார் என புகழ்ந்து தள்ளி இருந்தார்.

இது ரஜினி ரசிகர்களை கடும் கோபத்தில் ஆழ்த்தியது. தற்போது பிரபல யூட்யூப் சேனல் ஒன்றிற்கு பேட்டியளித்த சரத்குமார், ரஜினியை சூப்பர்ஸ்டார் இல்லையென்று சொல்லவில்லை, அஜித்குமாரும் சூப்பர்ஸ்டார் இல்லையென்று சொல்லவில்லை, விஜய் சூப்பர்ஸ்டார் என்று தான் சொன்னேன் என விளக்கமளித்தார்.