சிங்கத்தை தத்தெடுத்த சிவகார்த்திகேயன்!

தமிழ் சினிமாவின் முன்னணி நடிகர்களில் ஒருவராக வலம் வந்துக் கொண்டிருப்பவர் சிவகார்த்திகேயன். இவரது நடிப்பில் உருவாகி வரும் மாவீரன் என்ற திரைப்படம், வரும் 14-ஆம் தேதி அன்று திரையரங்குகளில் வெளியாக உள்ளது.

சினிமாவில் நடிப்பது மட்டுமின்றி, இயலாமல் இருக்கும் பலருக்கும் தன்னால் முடிந்த உதவிகளை செய்து வருகிறார். இந்நிலையில், இவர் செய்த உதவிகளின் பட்டியலில், தற்போது இன்னொரு விஷயம் இடம்பெற்றுள்ளது.

அதாவது, செங்கல்பட்டு மாவட்டம் வண்டலூர் பகுதியில் உள்ள உயிரியல் பூங்காவில், ஷேரு என்ற 3 வயது ஆண் சிங்கம் வசித்து வருகிறது. இந்த சிங்கத்தை அன்றாடம் பராமரிப்பதற்கு குறிப்பிட்ட தொகை செலவிடப்படுகிறது.

இந்த சிங்கத்தை தத்தெடுத்துள்ள சிவகார்த்திகேயன், அதனை வளர்ப்பதற்கு 6 மாதங்களுக்கு தேவையான தொகையை வழங்கியுள்ளார். இவரது இந்த செயல், பூங்கா அதிகாரிகளால், வரவேற்பை பெற்றுள்ளது.