இலங்கை கடற்படையினர் மீண்டும் அட்டூழியம்: தமிழக மீனவர்கள் 14 பேர் கைது!

எல்லை தாண்டி மீன்பிடித்ததாக ராமேஸ்வரம் மீனவர்கள் 14 பேரை இலங்கை கடற்படையினர் கைது செய்தனர்.

ராமேஸ்வரம் மீன் பிடித்துறைமுகத்திலிருந்து நேற்று காலை மீன் பிடிக்க சென்ற மீனவர்கள் தனுஷ்கோடிக்கும் தலைமன்னாருக்கும் இடையே மீன்பிடித்துக் கொண்டிருந்தனர்.

அப்போது அப்பகுதியில் ரோந்து பணி ஈடுபட்டிருந்த இலங்கை கடற்படையினர் எல்லை தாண்டி மீன்பிடித்ததாக இரண்டு விசைப்படகையும் அதிலிருந்த 14 மீனவர்களையும் கைது செய்து தலைமன்னார் கடற்படை முகாமிற்கு அழைத்துச் சென்றுள்ளனர்.

முதல் கட்ட விசாரணைக்கு பின்னர் மீனவர்கள் 14 பேரும் மன்னார் மீன்வளத்துறை அதிகாரிகளிடம் ஒப்படைப்பட உள்ளதாக இலங்கை கடற்படை செய்தி தொடர்பாளர் தெரிவித்துள்ளார்.