‘கார்டியன்ஸ் ஆஃப் தி கேலக்ஸி’ படங்களை இயக்கியதன் மூலம் பிரபலம் அடைந்தவர் ஜேம்ஸ் கன். இவர், தற்போது புதிய சூப்பர் மேன் படத்தை இயக்கி வருகிறார். இதற்கான படப்பிடிப்பு முடிவடைந்த நிலையில், பின்னணி பணிகள் நடந்து வருகிறது.
இந்நிலையில், இப்படம் தொடர்பான முக்கிய அப்டேட் கிடைத்துள்ளது. அதன்படி, வரும் 19-ஆம் தேதி அன்று, இப்படத்தின் டிரைலர் வெளியாக உள்ளதாக, படக்குழுவினர் அறிவித்துள்ளனர்.
மேலும், அடுத்த வருடம் ஜூலை 11-ஆம் தேதி அன்று, இப்படம் ரிலீஸ் ஆக இருப்பதாகவும், படக்குழுவினர் தெரிவித்துள்ளனர். பல்வேறு தொடர் வெற்றிப் படங்களை இயக்குநர் ஜேம்ஸ் கன் கொடுத்திருப்பதால், இந்த படத்தின் மீதான எதிர்பார்ப்பு, உலகம் முழுவதும் அதிகமாகவே உள்ளது என்பது குறிப்பிடத்தக்கது.