சிறுத்தை சிவா இயக்கத்தில், சூர்யா நடித்து வரும் திரைப்படம் சூர்யா 42. தற்காலிகமாக பெயரிடப்பட்டுள்ள இப்படம், ஸ்டுடியோ கிரீன் மற்றும் யுவி கிரியேஷன் இணைந்து தயாரிக்கின்றனர்.
பாலிவுட் நடிகை திஷா பதானி, யோகி பாபு, கோவை சரளா உள்ளிட்ட திரை நட்சத்திரங்கள் நடிக்கும் இதில், தேவிஸ்ரீ பிரசாத் இசையமைக்கின்றார். மேலும் 3-டி வடிவில் உருவாகி வரும் இப்படம், சுமார் பத்து மொழிகளில் வெளியாகும் எனக் கூறப்பட்டுள்ளது.
இந்த நிலையில் சூர்யா 42 படத்தின் இந்தி திரையரங்க உரிமை, சாட்டிலைட் உரிமை மற்றும் டிஜிட்டல் உரிமை ஆகியவை ரூ. 100 கோடி விற்பனை செய்யப்பட்டுள்ளதாக தகவல் வெளியாகியுள்ளது.