தமிழிசை சௌந்தரராஜன் கைது!

அண்ணா பல்கலைக்கழக பொறியியல் மாணவி, சமீபத்தில் பாலியல் வன்கொடுமைக்கு ஆளானார். இதுகுறித்து வழக்கு பதிவு செய்த காவல்துறையினர், ஞானசேகரன் என்பவரை கைது செய்து, விசாரணை நடத்தி வருகின்றனர்.

இந்த சம்பவம், தமிழகம் முழுவதும் பெரும் பரபரப்பை ஏற்படுத்தியுள்ளது. இந்நிலையில், இதனை கண்டித்து, பாஜக சார்பில் போராட்டம் இன்று நடைபெற்றுள்ளது.

சென்னை வள்ளுவர் கோட்டம் பகுதியில் நடைபெற்ற இந்த போராட்டத்தில், பாஜக மூத்த தலைவர் தமிழிசை சௌந்தரராஜன் கலந்துக் கொண்டார்.

அப்போது, சம்பவ இடத்திற்கு வந்த காவல்துறையினர், அவரை கைது செய்தனர். இந்த சம்பவத்தால், அப்பகுதியில் பரபரப்பு ஏற்பட்டுள்ளது.