நடிகர் விஜயின் தி கோட் படம், கடந்த 5-ஆம் தேதி தான் ரிலீஸ் ஆகியிருந்தது. இந்த திரைப்படத்தின் அலை ஓய்ந்த நிலையில், விஜயின் அடுத்த படம் தொடர்பான தகவல்கள் குறித்து, ரசிகர்கள் எதிர்பார்த்து கிடந்தனர்.
இந்நிலையில், கே.வி.என். புரொடக்ஷன் என்ற தயாரிப்பு நிறுவனம், தனது எக்ஸ் பக்கத்தில், நேற்று பதிவு ஒன்றை வெளியிட்டிருந்தது. அதில், தளபதி விஜயின் 69 படத்தை தாங்கள் தான் இயக்க இருப்பதாக கூறியிருந்தது.
மேலும், படத்தின் அறிவிப்பு, இன்று மாலை 5 மணிக்கு வெளியாகும் என்றும் கூறப்பட்டிருந்தது. அந்த வகையில், இன்று படக்குழுவினர் தங்களது படம் தொடர்பான அறிவிப்பை வெளியிட்டுள்ளனர்.
அதில், இந்த படத்தை எச்.வினோத் இயக்க இருப்பதாகவும், அனிருத் இசையமைக்க இருப்பதாகவும் கூறப்பட்டுள்ளது. மேலும், அடுத்த வருடம் அக்டோபர் மாதம், இந்த திரைப்படம் ரிலீஸ் ஆகும் என்றும் அந்த போஸ்டரில் தெரிவிக்கப்பட்டுள்ளது.