தளபதி விஜய் நடிப்பில், லோகேஷ் கனகராஜ் இயக்கத்தில், 2-வது முறையாக உருவாகி வரும் திரைப்படம் லியோ. இந்த படத்தின் படப்பிடிப்பு, காஷ்மீர் மாநிலத்தில் விறுவிறுப்பாக நடைபெற்று வருகிறது.
இந்நிலையில், இந்த படத்திற்காக பயன்படுத்தப்பட்டும் கேமரா தொடர்பான தகவல் வெளியாகி, ரசிகர்களை ஆச்சரியத்தில் ஆழ்த்தியுள்ளது. அதாவது, V Raptor XL என்ற கேமரா தான் இந்த படத்திற்காக பயன்படுத்தப்படுகிறதாம்.
இந்த கேமராவின் மூலம், 6K-ல் இருந்து 8K வரையிலான தரமுள்ள வீடியோவை பதிவு செய்ய முடியும் என்று கூறப்படுகிறது. மேலும், இந்த கேமராவின் விலை, ரூபாய் 40 லட்சம் என்று கூறப்படுகிறது. இதனை பார்க்கும்போது, லியோ படம் தரமாக இருக்கும் என்று எதிர்பார்க்கப்படுகிறது.