நாயகன் படத்தின் மூலம், மணிரத்னம் மற்றும் கமலின் கூட்டணி முதன்முறையாக இணைந்தது. ஆனால், அந்த படத்திற்கு பிறகு, பல வருடங்களுக்கு பிறகு, கமலும், மணிரத்னமும் இணைந்து, தக் லைஃப் என்ற படத்தை உருவாக்கி வருகின்றனர்.
இப்படத்தில், சிம்பு, அசோக் செல்வன் என்று பல்வேறு நடிகர்கள் பட்டாளமே நடித்துள்ளது. இந்நிலையில், இப்படத்தின் ரிலீஸ் தேதி தொடர்பான தகவல் கிடைத்துள்ளது.
அதன்படி, இப்படம், வரும் பொங்கல் பண்டிகையை முன்னிட்டு, திரைக்கு வரும் என்று, சினிமா வட்டாரங்களில் கூறி வருகிறார்கள்.
இந்த தகவல் உறுதியானால், அஜித்தின் விடாமுயற்சி படமும், கமலின் இந்த திரைப்படமும், ஒரே நேரத்தில் ரிலீஸ் ஆகும். இதற்கு முன்னர், அஜித்தின் வேதாளம், கமலின் தூங்காவனம் ஆகிய படங்கள் ஒரே நேரத்தில் ரிலீஸ் ஆகியிருந்தது என்பது குறிப்பிடத்தக்கது.