சசிகுமார், சிம்ரன் ஆகியோர் நடிப்பில், அபிஷன் ஜீவிந்த் இயக்கத்தில் உருவாகியுள்ள திரைப்படம் டூரிஸ்ட் பேமிலி. குட் நைட், லவ்வர் ஆகிய படங்களை தயாரித்த மில்லியன் டாலர் ஸ்டுடியோஸ் நிறுவனம் தயாரித்துள்ள இந்த படத்திற்கு, ஷான் ரோல்டன் இசையமைத்துள்ளார்.
சமீபத்தில், இந்த திரைப்படத்தின் டீசர் வெளியாகி, ரசிகர்கள் மத்தியில் மிகப்பெரிய வரவேற்பை பெற்றிருந்தது. இதனால், பலரும் இந்த படத்தின் ரிலீஸ்-க்காக காத்திருந்தனர்.
இந்நிலையில், தயாரிப்பு நிறுவனம், இந்த திரைப்படத்தின் ரிலீஸ் தேதியை உறுதி செய்துள்ளது. அதன்படி, வரும் மே 1-ஆம் தேதி அன்று, கோடை விடுமுறையை முன்னிட்டு, இந்த திரைப்படம் ரிலீஸ் ஆக உள்ளது.