வருஷமெல்லாம் வசந்தம் பட இயக்குனர் தூக்கிட்டு தற்கொலை..!!

பாரதிராஜாவின் மகன் மனோஜ் மற்றும் காதலர் தின நாயகன் குணால் நடிப்பில் கடந்த 2002 ஆம் ஆண்டு வெளியான திரைப்படம் வருஷமெல்லாம் வசந்தம். இப்படத்தை இயக்குனர் விக்ரமனிடம் உதவி இயக்குனராக பணியாற்றிய ரவி சங்கர் இயக்கினார்.

அந்த படத்தில் இடம்பெற்ற அனைத்து பாடல்களுக்கும் பாடலாசிரியர் அவரே. அதுமட்டுமின்றி விக்ரமன் இயக்கிய ‘சூரியவம்சம்’ படத்தில் இடம்பெற்ற கிளாசிக் பாடலான ‘ரோசாப்பூ சின்ன ரோசாப்பூ’ என்ற பாடலையும் எழுதினார்.

வருஷமெல்லாம் வசந்தம் படத்துக்கு பிறகு படம் எதுவும் இயக்காமல் திருமணம் செய்து கொள்ளாமல் சென்னை கே.கே.நகர் பகுதியில் ஒரு சிறிய வீட்டில் வசித்து வந்தார்.

இந்நிலையில் நேற்று இரவு தனது அறையில் ரவி சங்கர் (63) தூக்கிட்டு தற்கொலை செய்து கொண்ட சம்பவம் அதிர்ச்சியை ஏற்படுத்தியுள்ளது.