விஜய் நடித்துள்ள, வெங்கட் பிரபு இயக்கியுள்ள தி கோட் திரைப்படம், கடந்த 5-ஆம் தேதி திரையரங்குகளில் ரிலீஸ் ஆனது. இந்த திரைப்படத்தை பார்த்த ரசிகர்கள், கலவையான விமர்சனங்களை வழங்கினாலும், படத்தின் வசூல் குறையில்லாமல் உள்ளது.
இந்நிலையில், இயக்குநர் வெங்கட் பிரபு, பேட்டி ஒன்றை அளித்துள்ளார். அதில், படத்தில் இருந்த குறைகள் குறித்து கேள்வி கேட்கப்பட்டது.
அதாவது, “காந்தி (விஜய் ) செல்போன் அழைப்பை எடுக்காததற்கு, அவரது நண்பன் ( பிரசாந்த் ) ரஷ்யாவிற்கே வருவது போன்ற காட்சி இடம்பெற்றது குறித்து கேள்வி கேட்கப்பட்டது.
அதற்கு பதில் அளித்த அவர், அது ஒரு நீண்ட காட்சி.. எடிட் செய்யும்போது, அதில் இருந்த பல்வேறு விஷயங்கள் கட் செய்யப்பட்டது என்று தெரிவித்தார்.
மேலும், “மிஷன் இம்பாசிபள் மாதிரி படங்களில், ஒரு காட்சியில் ஒரு நாட்டிலும், அடுத்த காட்சியில் வேறு நாட்டிலும் சென்றுவிடுவார்கள். அந்த படங்களில் வைக்கும்போது, அமைதியாக பார்த்துவிட்டு சென்றுவிடுவார்கள்” என்று கிண்டலாக பேசியுள்ளார்.