போலி என்கவுண்டரை மையமாக வைத்து உருவாகியுள்ள திரைப்படம் வேட்டையன்.
ரஜினிகாந்த், அமிதாப் பச்சன், பகத் ஃபாசில், மஞ்சு வாரியர் என்று பல்வேறு முன்னணி நடிகர்கள் நடித்துள்ள இந்த திரைப்படத்தை, டி.ஜே.ஞானவேல் இயக்கியிருந்தார்.
கடந்த 10-ஆம் தேதி ரிலீஸ் ஆன இந்த திரைப்படம், கலவையான விமர்சனங்களையே பெற்று வருகிறது. இந்நிலையில், இப்படத்தின் 7 நாள் வசூல் நிலவரம் தெரியவந்துள்ளது.
அதன்படி, 275 கோடி ரூபாய் வரை, இப்படம் வசூல் செய்துள்ளது. 160 கோடி ரூபாய் பட்ஜெட்டில் உருவானதாக கூறப்படும் இந்த திரைப்படம், தற்போது பட்ஜெட்டை தாண்டி வசூலித்திருப்பதன் மூலம், மிகப்பெரிய வெற்றிப்படமாக மாறியுள்ளது.