கூட்டத்தில் ஒருத்தன், ஜெய் பீம் போன்ற படங்களை இயக்கியவர் டி.ஜே.ஞானவேல். இவர் தற்போது, நடிகர் ரஜினிகாந்தை வைத்து, வேட்டையன் என்ற படத்தை இயக்கி முடித்துள்ளார்.
இந்த திரைப்படம், வரும் அக்டோபர் 10-ஆம் தேதி ரிலீஸ் ஆக உள்ளது. இந்நிலையில், இப்படத்தின் டிரைலரை இன்று படக்குழுவினர் வெளியிட்டுள்ளனர்.
இந்த டிரைலரில், என்கவுண்டருக்கு எதிராகவும், ஆதரவாகவும் இருக்கும் வகையில் வசனம் இடம்பெற்றுள்ளது.
குறிப்பாக, டிரைலரின் இறுதியில், “நீங்க என்ன எந்த போஸ்ட்-ல தூக்கி அடிச்சாலும்.. நான் அதே போலீஸ்காரன் தான்.. எங்கிட்ட இருந்து அவன யாராலையும் காப்பாத்த முடியாது” என்ற மாஸ் வசனம் இடம்பெற்றுள்ளது.
டிரைலரை பார்த்த ரசிகர்கள், தங்களது உற்சாகத்தை கமெண்ட்ஸ் மூலமாக வெளிப்படுத்தி வருகின்றனர்.