அஜித்தின் விடாமுயற்சி திரைப்படத்தின் படப்பிடிப்பு, முடிவடைந்ததாக, சமீபத்தில் சமூக வலைதளங்களில் கூறப்பட்டது. இதனை பார்த்த ரசிகர்கள், நிம்மதி அடைந்தனர்.
ஆனால், அதன்பிறகு வெளியான தகவலின்படி, அஜர்பைஜானில் மட்டும் தான் படப்பிடிப்பு முடிந்துவிட்டதாகவும், ஹைதராபாத்தில் இன்னும் 10 நாட்களுக்கு படப்பிடிப்பு இருப்பதாகவும் கூறப்பட்டது.
இதனால், ரசிகர்கள் மீண்டும் கடுப்பாகினர். ஒருவழியாக, ஐதராபாத்தில் நடந்து வரும் படப்பிடிப்பும், ஆகஸ்டு 13-ஆம் தேதி முடியும் என்று சில நாட்களுக்கு முன் தகவல் வந்தது.
ஆனால், அதுவும் இறுதிகட்ட படப்பிடிப்பு இல்லையாம். மீண்டும் ஸ்பெயின் நாட்டிற்கு செல்லும் படக்குழுவினர், அங்கு ஒரு பாடல் காட்சியை மட்டும் படமாக்க உள்ளார்களாம்.
அந்த பாடலோடு ஒட்டுமொத்த படப்பிடிப்பும் முடிவதாக எதிர்பார்க்கப்படுகிறது. ஆனால், இதுவும் சும்மா தான்.. நாங்கள் திருப்பியும் படப்பிடிப்பை நடத்துவோம் என்று மகிழ் திருமேனி சொன்னாலும் சொல்வதற்கு வாய்ப்புகள் உள்ளது..,