தடையறத் தாக்க, மீகாமன், தடம், கலகத் தலைவன் போன்ற ஆக்ஷன் த்ரில்லர் படங்களை இயக்கி பிரபலம் அடைந்தவர் மகிழ் திருமேனி. இவர் தற்போது நடிகர் அஜித்தை வைத்து விடாமுயற்சி என்ற படத்தை இயக்கி வருகிறார்.
இந்த படத்தின் படப்பிடிப்பு அஜர்பைஜானில் முடிந்துவிட்டதாக, சமீபத்தில் படக்குழுவினர் அறிவித்திருந்தனர். இந்த அறிவிப்பை பார்த்த ரசிகர்கள் சிலர், ஒட்டுமொத்த படத்தின் படப்பிடிப்பும் முடிந்துவிட்டது என்று நினைத்துக் கொண்டிருந்தனர்.
ஆனால், அஜர்பைஜான் நாட்டிற்கான படப்பிடிப்பு மட்டும் தான் தற்போது முடிந்திருக்கிறது. இறுதி கட்டப்பிடிப்பு இன்னும் இருக்கிறதாம். இந்நிலையில், விடாமுயற்சி படத்தின் இறுதிகட்ட படப்பிடிப்பு தொடர்பான தகவல் கசிந்துள்ளது.
அதாவது, விடாமுயற்சியின் கடைசி கட்ட படப்பிடிப்பு, நேற்று முதல், ஐதராபாத்தில் நடைபெற்று வருகிறது. இந்த ஷெட்யூலில் க்ளைமேக்ஸில் இடம்பெற உள்ள ஸ்டன்ட் காட்சிகளை எடுத்து வருகிறார்களாம்.
இதனை எடுத்து முடித்த பிறகு, ஒட்டுமொத்த ஷூட்டிங் பணிகளும் முடிக்கப்பட்டுவிடுமாம். இதோடு, போஸ்ட் புரொடக்ஷன் பணிகளை, ஆரம்பிக்க திட்டமிட்டுள்ளார்களாம்.