சென்னை போயஸ் கார்டனில் உள்ள இல்லத்திற்கு வெளியே நடிகர் ரஜினிகாந்த் தனது ரசிகர்களை சந்தித்தார். அவர்களுக்கு தீபாவளி வாழ்த்துகளைத் தெரிவித்தார்.
இதனைத் தொடர்ந்து செய்தியாளர்களைச் சந்தித்த ரஜினிகாந்த், “அனைவரும் மகிழ்ச்சியாகவும், சந்தோஷமாகவும் இருக்க வேண்டும்” என்று தெரிவித்தார்.
அப்போது விஜய்யின் மாநாடு குறித்த செய்தியாளர்களின் கேள்விக்கு பதில் அளித்த அவர், “நிச்சயமாக நடிகர் விஜய் தமிழக வெற்றிக் கழக மாநாட்டை வெற்றிகரமாக நடத்தி இருக்கிறார். அவருக்கு எனது வாழ்த்துகள்” என்று தெரிவித்தார்.