அட்டகத்தி, மெட்ராஸ், கபாலி, காலா, சார்பட்டா பரம்பரை என்று பல்வேறு வெற்றிப் படங்களை கொடுத்தவர் இயக்குநர் பா.ரஞ்சித். இவர் தற்போது தங்கலான் என்ற படத்தை இயக்கி முடித்துள்ளார்.
சீயான் விக்ரம் ஹீரோவாக நடித்துள்ள இப்படம், வரும் ஆகஸ்டு 15-ஆம் தேதி அன்று ரிலீஸ் ஆக உள்ளது. இந்நிலையில், இப்படத்தின் இசை வெளியீட்டு விழா நேற்று நடைபெற்றது.
இந்த நிகழ்ச்சியில் பேசிய நடிகர் விக்ரம், பா.ரஞ்சித்தின் அடுத்த படம் என்ன என்று அப்டேட் கொடுத்துள்ளார். அதாவது, தங்கலான் படத்திற்கு பிறகு, கேங்ஸ்டர் படம் ஒன்றை பா.ரஞ்சித் இயக்க உள்ளாராம்.
இப்படத்தில், அட்டகத்தி தினேஷ் ஹீரோவாக நடிக்க உள்ளாராம். மேலும், ஆர்யா தான் வில்லனாக நடிக்க உள்ளாராம். இதுதொடர்பான அப்டேட்டை தான், நேற்று பேசும்போது விக்ரம் கொடுத்துள்ளார்.
இந்த தகவல் ஏற்கனவே இணையத்தில் கசிந்திருந்தாலும், நேற்று தங்கலான் மேடையிலேயே விக்ரம் பேசியிருப்பதன் மூலம், மீண்டும் ஒருமுறை உறுதி செய்யப்பட்டுள்ளது.