விக்ரம், மாளவிகா மோகனன் உள்ளிட்ட தங்கலான் படக்குழுவினர், மதுரையில் செய்தியாளர்களை சந்தித்தனர். அப்போது, விஜய், அஜித், சூர்யா போன்று, மிகப்பெரிய ரசிகர் பட்டாளம் உங்களுக்கு இல்லையே என்று, நிரூபர் கேள்வி எழுப்பினார்.
இந்த கேள்விக்கு பதில் அளித்த விக்ரம், என்னுடைய ரசிகர் பட்டாளம் பற்றி உங்களுக்கு தெரியவில்லை என்றும், திரையரங்கிற்கு சென்று பார்த்தால் தான் உங்களுக்கு தெரியும் என்றும் தெரிவித்தார்.
மேலும், ஏதோ ஒரு விதத்தில், எல்லா ரசிகர்களும் என்னுடைய ரசிகர்கள் தான் என்றும் அவர் கூறினார்.
தொடர்ந்து பேசிய விக்ரம், சினிமாவை அடுத்த கட்டத்திற்கு எடுத்து செல்வதற்காக தான், நான் வித்தியாசமான திரைப்படங்களில் நடிக்கிறேன். ராவணன் வெற்றி அடையாத படம் தான். இருப்பினும், அது ஒரு சிறந்த திரைப்படம்” என்று பதிலடி கொடுத்தார்.